Moliya va buxgalteriya hisobi fakulteti jamoasi “Yangi O’zbekistonni birgalikda quramiz” shiori ostida TDIU tomonidan tashkil etilgan “Vatanparvarlik g’oyalari targ’iboti asosida Vatan himoyachilari faoliyati bilan tanishtirish” mavzusidagi tadbirda faol ishtirok etdilar. Mavzu doirasida inson ulg‘aygan sari uning Vatan haqidagi tushunchalari ham kengaya borishi, yurtimizda tug‘ilib-o‘sgan har bir inson “Vatanim” deganida o‘z uyini, qishlog‘ini yoki shahrini emas, balki O‘zbekiston Respublikasini nazarda tutishi bayon etildi. Bu esa Vatan tuyg‘usining, vatanparvarlikning xalqimiz qalbidagi ifodasidir.
Vatan tuyg‘usi — bu aziz va go‘zal yurtimizga hurmat va sadoqatli bo‘lish. Vatan tuyg‘usi — bu Turon, Movarounnahr, Turkiston va hozirda O‘zbekiston deya atalgan zaminda yashab kelayotgan xalqimizning oltin merosini, uning tarixini o‘rganishga intilishdir.
