Bugun Toshkent davlat iqtisodiyot universiteti 1-bosqich kunduzgi ta’lim shakliga o’qishga kirgan talabalar bilan tanishuv haftaligining ochilish marosimi bo’lib o’tdi. Tanishuv jarayonida universitet rahbariyati talabalarni o’qish kirgani bilan qutlab, kelayotgan o’quv yilida o’qishlarida omad tilab qoldi. Shuningdek universitet rektori, professor Kongratbay Sharipov so’zga chiqib oliygohda bo’layotgan o’zgarishlar, universitetning yurtimizda tutgan o’rni haqida o’z fikrlarini bildirib o’tdi. Tanishuv so’ngida majoziy ma’noda samoga pufaklar uchirildi.
Ochilish marosimidan so’ng Moliya va buxgalteriya hisobi fakulteti dekani, professor Burxanov Aktam Usmanovich hamda fakultet dekanati jamoasi 1-kurs talabalariga “Oliy o’quv yurtida ta’lim olishni o’rganamiz” mavzusidagi treningni o’tkazishdi. Dars davomida talabalar dekanat jamoasi hamda kafedra mudirlari, shuningdek, universitetda belgilangan tartib-qoidalar hamda yaratilgan imkoniyatlar bilan yaqindan tanishtirildi.
Moliya va buxgalteriya hisobi fakulteti 1-kursiga qabul qilingan barcha talabalarimizning kelgusi ishlariga ulkan muvaffaqiyatlar tilaymiz.
